Numerology: ગુપ્ત નવરાત્રિમાં મૂળાંક પ્રમાણે કરો આ ઉપાય, સફળતા સડસડાટ મળશે

ગુપ્ત નવરાત્રિનો સમય તંત્ર-મંત્ર, સાધના અને અધૂરી મનોકામનાઓ પૂર્ણ કરવા માટે અત્યંત શુભ માનવામાં આવે છે.

ગુપ્ત નવરાત્રિનો સમય તંત્ર-મંત્ર, સાધના અને અધૂરી મનોકામનાઓ પૂર્ણ કરવા માટે અત્યંત શુભ માનવામાં આવે છે.

જ્યોતિષ અને અંકશાસ્ત્ર અનુસાર જો વ્યક્તિ પોતાના જન્માંક (મૂળાંક) પ્રમાણે શુભ રંગના વસ્ત્રો ધારણ કરીને દેવી દુર્ગાની ઉપાસના કરે અને કેટલાક પરંપરાગત ઉપાયો કરે, તો કારકિર્દી, વ્યવસાય અને સંબંધોમાં આવતા અવરોધો દૂર થવાની માન્યતા છે. આવો જાણીએ મૂળાંક પ્રમાણે શુભ રંગ, વ્યક્તિત્વ અને પરંપરાગત ઉપાયો વિશે.

મૂળાંક 1 (1, 10, 19, 28)

આ લોકો જન્મજાત નેતૃત્વ ક્ષમતા ધરાવતા, આત્મવિશ્વાસી અને મહત્ત્વાકાંક્ષી હોય છે. ગુપ્ત નવરાત્રિ દરમિયાન લાલ અથવા કેસરી રંગના કપડાં પહેરવા શુભ માનવામાં આવે છે. કારકિર્દીમાં પ્રગતિ માટે દેવીને લાલ જાસુદનું ફૂલ અર્પણ કરો અને “ૐ હ્રીં દું દુર્ગાય નમઃ” મંત્રનો જાપ કરો.

મૂળાંક 2 (2, 11, 20, 29)

ભાવનાત્મક, કલાત્મક અને શાંત સ્વભાવ ધરાવતા લોકો માટે સફેદ અથવા હળવો પીળો રંગ શુભ ગણાય છે. નોકરીમાં સ્થિરતા માટે મા મહાગૌરીને મખાણાની ખીરનો ભોગ લગાવો. સંબંધોમાં મધુરતા માટે દેવીને સફેદ ફૂલ અર્પણ કરવાની માન્યતા છે.

મૂળાંક 3 (3, 12, 21, 30)

જ્ઞાનપ્રેમી અને આધ્યાત્મિક સ્વભાવ ધરાવતા લોકો માટે પીળો અથવા સુવર્ણ રંગ શુભ છે. કારકિર્દી અને વ્યવસાયમાં સફળતા માટે દેવીને બેસનના લાડુનો ભોગ લગાવો અને હળદરનું તિલક કરો.

મૂળાંક 4 (4, 13, 22, 31)

મહેનતુ અને વ્યવહારુ સ્વભાવ ધરાવતા લોકો માટે વાદળી અથવા ગ્રે રંગ અનુકૂળ માનવામાં આવે છે. અચાનક આવતી મુશ્કેલીઓથી બચવા માટે મા કાલરાત્રિની પૂજા કરો અને લવિંગની જોડી અર્પણ કરો.

મૂળાંક 5 (5, 14, 23)

સારી સંવાદ કળા અને બુદ્ધિશાળી સ્વભાવ ધરાવતા લોકો માટે લીલો રંગ ભાગ્યવર્ધક માનવામાં આવે છે. નવા વ્યવસાય અથવા નોકરીની તક માટે મા સ્કંદમાતાને લીલી એલચી અર્પણ કરો.

મૂળાંક 6 (6, 15, 24)

આકર્ષક અને કલાપ્રેમી લોકો માટે ગુલાબી અથવા ચમકદાર સફેદ રંગ શુભ છે. મીડિયા, ગ્લેમર અથવા વ્યવસાયમાં સફળતા માટે દેવીને અત્તર અને સફેદ બરફીનો ભોગ લગાવવાની માન્યતા છે.

મૂળાંક 7 (7, 16, 25)

રહસ્યમય અને આધ્યાત્મિક સ્વભાવ ધરાવતા લોકો માટે ક્રીમ, હળવો પીળો અથવા બહુ રંગી વસ્ત્રો શુભ છે. માનસિક શાંતિ માટે મા સરસ્વતી અથવા દેવીના સૌમ્ય સ્વરૂપની આરાધના કરો અને કપૂરની આરતી કરો.

મૂળાંક 8 (8, 17, 26)

શિસ્તપ્રિય અને ન્યાયપ્રિય લોકો માટે ઘેરો વાદળી અથવા જાંબલી રંગ શુભ માનવામાં આવે છે. કાર્યક્ષેત્રની સમસ્યાઓથી બચવા માટે મા કાળી સમક્ષ સરસવના તેલનો દીવો પ્રગટાવો. જરૂરિયાતમંદોને ભોજન કરાવવું પણ શુભ માનવામાં આવે છે.

મૂળાંક 9 (9, 18, 27)

ઊર્જાવાન અને સાહસી લોકો માટે ઘેરો લાલ અથવા મેરૂન રંગ શુભ ગણાય છે. સરકારી નોકરી અથવા સુરક્ષા સેવાઓમાં સફળતા માટે દેવીને સિંદૂર અર્પણ કરો અને દુર્ગા ચાલીસા અથવા હનુમાન ચાલીસાનો પાઠ કરો. પ્રેમ સંબંધોમાં મધુરતા માટે દેવીને લાલ ફૂલ અને મધનો ભોગ લગાવો.

(Disclaimer: આ સમાચારમાં આપવામાં આવેલી માહિતી ધાર્મિક માન્યતાઓ અને સામાન્ય માહિતી પર આધારિત છે. (sandesh news) સંદેશ ન્યૂઝ આની પુષ્ટિ કરતું નથી.)