81 વર્ષની દાદીને 24 વર્ષીય યુવક સાથે થયો અનોખો પ્રેમ

ફ્રાન્સની 81 વર્ષીય મહિલા અને સેનેગલના યુવકની પ્રેમ કહાની

પેરિસ : પ્રેમની કોઈ ઉંમર નથી હોતી, આ કહેવત આપણે અવારનવાર સાંભળતા હોઈએ છીએ, પરંતુ જ્યારે તે વાસ્તવિક જીવનમાં સાબિત થાય છે ત્યારે સમગ્ર દુનિયા હેરાન રહી જાય છે. સોશિયલ મીડિયા પર આજકાલ એક અત્યંત અનોખો અને ચોંકાવનારો કિસ્સો ખૂબ જ ઝડપથી વાયરલ થઈ રહ્યો છે, જેમાં ફ્રાન્સની રહેવાસી ૮૧ વર્ષીય એક મહિલાને ઇન્ટરનેટના માધ્યમથી આફ્રિકી દેશ સેનેગલના ૨૪ વર્ષીય યુવક સાથે ગાઢ પ્રેમ થઈ ગયો છે. બે વર્ષ સુધી રૂબરૂ મળ્યા વગર માત્ર વીડિયો કોલ અને મેસેજ પર વાત કર્યા બાદ આ વૃદ્ધ મહિલાએ પોતાના પ્રેમીને મળવા માટે હજારો કિલોમીટરનું લાંબુ અંતર કાપી લીધું હતું અને સેનેગલ પહોંચી ગઈ હતી.

૫૭ વર્ષનું અંતર અને ડિજિટલ માધ્યમથી થયેલો પ્રેમ

મીડિયા અહેવાલ મુજબ, આજના આધુનિક ડિજિટલ યુગમાં હવે ભૌગોલિક અંતર કોઈ સીમા નથી રહ્યું અને આ અનોખા કપલે તેને બિલકુલ સાબિત પણ કરી દીધું છે. ફ્રાન્સની ૮૧ વર્ષીય મહિલા અને ૨૪ વર્ષના સેનેગલના યુવક વચ્ચે પૂરા ૫૭ વર્ષની મોટી ઉંમરનું મોટું અંતર છે. સતત બે વર્ષ સુધી ઓનલાઈન જોડાયેલા રહ્યા પછી, જ્યારે મહિલાએ સેનેગલના એરપોર્ટ પર પગ મૂક્યો ત્યારે બંને એકબીજાને જોઈને ભાવુક થઈ ગયા અને ફિલ્મી સ્ટાઇલમાં એકબીજાને ગળે મળ્યા હતા. આ અનોખી ક્ષણનો વીડિયો ત્યાં હાજર કોઈ વ્યક્તિએ પોતાના કેમેરામાં કેદ કરી લીધો હતો, જે હવે ઇન્ટરનેટની દુનિયામાં આગની જેમ ફેલાઈ ગયો છે.

સપ્ટેમ્બર 2026 માં લગ્ન કરવાની યોજના

આ સબંધ માત્ર એરપોર્ટ પર મળવા પૂરતો જ સીમિત નથી રહ્યો, પરંતુ આ પ્રેમી યુગલે પોતાના સબંધને એક ડગલું આગળ વધારીને હંમેશા માટે સાથે રહેવાનો મોટો નિર્ણય લીધો છે. પ્રાપ્ત માહિતી અનુસાર, સેનેગલમાં મુલાકાત લીધા પછી હવે આ જોੜું ફ્રાન્સ પરત ફરવાની તૈયારી કરી રહ્યું છે અને તેમની યોજના આગામી સપ્ટેમ્બર ૨૦૨૬ માં સત્તાવાર રીતે લગ્નબંધને બંધાવાની છે. આ નિર્ણય સામે આવ્યા બાદ સોશિયલ મીડિયા પર યુઝર્સ બે સ્પષ્ટ ભાગમાં વહેંચાઈ ગયા છે. કેટલાક લોકો તેને ઉંમરની તમામ સીમાઓ પાર કરતો સાચો અને પવિત્ર પ્રેમ માની રહ્યા છે, તો વળી અનેક લોકો આ સંબંધને લઈને અનેક પ્રકારના સવાલો પણ ઉઠાવી રહ્યા છે.