26 જુલાઈથી શરૂ થશે શનિની ઊલટી ચાલ:

વૃષભ, સિંહ અને મકર રાશિના જાતકોનું ભાગ્ય ચમકશે; મેષ અને મીન રાશિના જાતકો સાવધાન રહે

જ્યોતિષશાસ્ત્રમાં સૌથી પ્રભાવશાળી ગણાતા ગ્રહ શનિદેવ 26 જુલાઈથી વક્રી થવા જઈ રહ્યા છે, એટલે કે આ દિવસથી શનિની ઉલટી ચાલ શરૂ થશે, જે લગભગ 140 દિવસ સુધી ચાલશે. ન્યાય, ધર્મ અને અધ્યાત્મના કારક શનિની આ બદલાયેલી ચાલની અસર દેશ-દુનિયા સહિત તમામ 12 રાશિઓ પર જોવા મળશે.

આ રાશિના જાતકોએ સાવચેત રહેવું પડશે

જ્યોતિષીઓ અનુસાર, શનિના વક્રી થવાથી મેષ રાશિના લોકોમાં તણાવ અને ચિંતા વધી શકે છે. આવા સમયે, બિનજરૂરી વધુ વિચારવાનું ટાળવાની સલાહ આપવામાં આવી છે. જ્યારે મીન રાશિના જાતકોએ ઉતાવળ ટાળીને શાંત મનથી નિર્ણય લેવા જોઈએ.

પ્રાકૃતિક અસંતુલનની પણ આશંકા

જ્યોતિષીય માન્યતાઓ અનુસાર, આ સમયગાળા દરમિયાન અતિશય વરસાદ, ભૂસ્ખલન, ભૂકંપ જેવી કુદરતી ઘટનાઓની સંભાવના પણ વધી શકે છે. જોકે, આ જ્યોતિષીય આકલન છે અને તેને વૈજ્ઞાનિક પૂર્વાનુમાન માનવામાં આવતું નથી.

શનિનું વક્રી થવું એટલે શું?

ખગોળ વિજ્ઞાન અનુસાર, શનિ ખરેખર ઊંધી દિશામાં ચાલતો નથી. પૃથ્વી સૂર્યની વધુ નજીક હોવાને કારણે શનિની સરખામણીમાં પોતાની કક્ષામાં વધુ ઝડપથી ફરે છે. જ્યારે પૃથ્વી શનિને ઓવરટેક કરે છે, ત્યારે પૃથ્વી પરથી જોતા શનિ થોડા સમય માટે પાછળની તરફ ચાલતો દેખાય છે. આ જ આભાસી સ્થિતિને વક્રી કહેવાય છે.

જ્યોતિષીય માન્યતાઓ અનુસાર શનિના અશુભ પ્રભાવથી બચવાના ઉપાયો

• શનિવારે “ॐ શં શનૈશ્ચરાય નમઃ” મંત્રનો જાપ કરો.
• નિયમિત રૂપે હનુમાન ચાલીસાનો પાઠ કરો.
• શનિ સ્તોત્ર અને શનિ કવચનો પાઠ કરો.
• જરૂરિયાતમંદોને કાળા તલ, અડદની દાળ, સરસવનું તેલ, કાળી છત્રી અથવા જૂતા દાન કરો.
• શનિવારે શનિ મંદિરમાં સરસવનું તેલ અર્પણ કરો અને જરૂરિયાતમંદોને ભોજન કરાવો.