15 ઓગસ્ટ પહેલા PM મોદીની અપીલ, ‘હર ઘર તિરંગા’ મિશનમાં જોડાઈ દેશભક્તિનો સંદેશ આપો

નવી દિલ્હી: સ્વતંત્રતા દિવસની ઉજવણી પહેલાં વડાપ્રધાન નરેન્દ્ર મોદીએ દેશવાસીઓને ‘હર ઘર તિરંગા’ અભિયાનમાં ઉત્સાહપૂર્વક ભાગ લેવા અપીલ કરી છે. તેમણે લોકોને પોતાના ઘરો પર તિરંગો ફરકાવીને રાષ્ટ્રપ્રેમ અને એકતાની ભાવના વ્યક્ત કરવા અનુરોધ કર્યો છે.

વડાપ્રધાન મોદીએ દેશવાસીઓને આ અભિયાનને વધુ વ્યાપક બનાવવા અને પરિવારજનો, મિત્રો તથા આસપાસના લોકોને પણ તેમાં જોડવા અપીલ કરી હતી. તેમણે જણાવ્યું કે તિરંગો માત્ર રાષ્ટ્રીય ધ્વજ નથી, પરંતુ દેશની એકતા, ગૌરવ અને સ્વતંત્રતા માટેના સંઘર્ષનું પ્રતીક છે.

સ્વતંત્રતા દિવસને ધ્યાનમાં રાખીને દેશભરમાં ‘હર ઘર તિરંગા’ અભિયાન અંતર્ગત વિવિધ કાર્યક્રમોનું આયોજન કરવામાં આવી રહ્યું છે. લોકો પોતાના ઘરો અને કાર્યસ્થળો પર તિરંગો ફરકાવીને તેમજ તિરંગા સાથેના ફોટા અને સંદેશ સોશિયલ મીડિયા પર શેર કરીને અભિયાનમાં ભાગ લઈ રહ્યા છે.