બિહાર-મધ્ય પ્રદેશમાં ભાજપની હાર:પાર્ટી અધ્યક્ષ નિતિન નબીનની બેઠક પર ઉલટફેર, જન સુરાજના પ્રશાંત કિશોર જીત્યા; વડોદરાના માંજલપુરમાં BJPની જીત

બિહાર, મધ્ય પ્રદેશ અને ગુજરાતની ત્રણ વિધાનસભા બેઠકો પર યોજાયેલી પેટાચૂંટણીના પરિણામો આવી ગયા છે. એમપીના દતિયામાં કોંગ્રેસ અને ગુજરાતમાં ભાજપ જીતી ગયું છે

બિહારના બાંકીપુરમાં નિતિન નબીનની બેઠક પર પ્રશાંત કિશોર જીતી ગયા છે. જનસુરાજ પાર્ટીના સ્થાપક પ્રશાંત કિશોર 19246 મતોથી જીત્યા છે. પ્રશાંતને 63946 મત મળ્યા, જ્યારે ભાજપના ઉમેદવાર નીરજ કુમારને 44700 મત મળ્યા છે.

બાંકીપુર બેઠક ભાજપના રાષ્ટ્રીય અધ્યક્ષ નીતિન નબીનની પરંપરાગત બેઠક છે. તેઓ અહીંથી સતત 5 વખત ધારાસભ્ય રહ્યા છે. તેમના રાજ્યસભામાં ગયા પછી આ બેઠક પર પેટાચૂંટણી યોજવામાં આવી હતી.

મતગણતરી દરમિયાન ચૂંટણી પંચની વેબસાઇટ પર કેટલીક ગડબડ જોવા મળી. સવારથી વેબસાઇટ પર 31 રાઉન્ડની મતગણતરી દર્શાવવામાં આવી રહી હતી. 31 રાઉન્ડ પૂરા થતાં જ પહેલા 32 અને પછી 36 રાઉન્ડ દર્શાવવામાં આવવા લાગ્યા. બાદમાં ફરીથી 32 રાઉન્ડની મતગણતરી દર્શાવવામાં આવી.